Þetta lag er svo skemmtilegt og glaðlegt og hefur verið sungið mikið á síðustu mánuðum þar sem við höfum verið með músaþema á deildinni. Það eftirminnilegasta við þetta þema hefur án efa verið að búa til risastóran ost úr pappakössum. Hann stendur úti á miðju gólfi hjá okkur á deildinni og býður upp á ótal leiki, bæði rólega og svo með aðeins meiri látum (þegar kettir eru að elta mýs). Neðst á síðunni má sjá myndir af ferlinu.

Laglínan við þennan texta heitir "Þegar barnið í föt sín fer" og má finna í útgáfu án söngs á diskunum "Sönglögin í leikskólanum" frá 1996. Ég hef ekki upplýsingar um það hvenær textinn um Mýslu Tíslu varð til eða hver höfundurinn er. Það væri gaman ef einhver hefur upplýsingar um það :)

Gaman að vera inni í ostinum
51720761_941950196004347_846830966516219904_n
Músaleikur á myndvarpa
DSC08864

Mýsla Tísla Tásla Túsla

      D           G     D
Ég er mús eins og allir sjá,
       D              G     D
lík er pabba og mömmu sem ég á,
         A
ostur er besta sem ég veit, 
     D
enda er ég soldið feit,
      A
svona er að vera mús, 
         D
og kunna ekki að drekka úr krús,
       D          G     D
en mig langar svo oft í djús.

         D                 A
Ég heiti Mýsla Tísla Tásla Túsla, 
                  D
Mýsla Tísla Tásla Túsla,
                  A
Mýsla Tísla Tásla Túsla.
            D
Þetta heiti ég.

Lag: "Þegar barnið í föt sín fer"
Texti: Höf. óþekktur

Tvíburamýs

Osturinn verður til

Hér eru nokkrar svipmyndir frá ferlinu þegar við bjuggum til risaostinn. Það var sérstaklega gaman þegar elstu börnin fóru að sækja kassana og báru þá heim í leikskólann þrátt fyrir smá golu sem reif í þá. Það voru farnar þrjár ferðir sem gáfu færi á bæði ímyndunarleik og rannsakandi pælingum.

Börnin fóru að sækja kassana heim til kennarans
IMG_0999
Risastórir kassarnir voru málaðir
IMG_0995
Elstu börnin notuðu ruslatunnur til að teikna götin
DSC00541___40__1__41__
Það fór að líkjast osti um leið og götin voru klippt út
DSC00549___40__1__41__
Leikur hófst um leið og osturinn var settur saman
DSC00569___40__2__41__