Þetta lag varð svo ótrúlega vinsælt hjá börnunum okkar þegar við vorum með skordýraþema í haust. Það er glaðlegt og hresst og börnin tóku upp á að syngja það í tíma og ótíma úti um allan leikskólann ;o). Börnin læra um tíu mismunandi hljóðfæri og á geisladisknum sem fylgir geta þau heyrt hvernig þau hljóma.

Lagið er á geisladisk sem fylgdi bók sem heitir "Creepy Crawling Calypso" og er eftir Tony Langham og Debbie Harter. Á disknum eru öll hljóðfærin kynnt: stáltrommur, harmonikka, saxófónn, básúnur, trompet, þverflauta, gítar, xýlófónn, kóngatrommur og píanó. (Það er gaman að syngja með disknum til að heyra hljóðfærin en það er svolítið erfitt af því að tóntegundin passar betur fyrir karlarödd... :)

Ég ljósritaði myndir af dýrunum og hljóðfærunum og setti þau á spjöld. Börnin léku sér svo að því að para þau rétt saman og reyndu að muna hvaða skordýr spiluðu á hvaða hljóðfæri.

Það er klárlega viðlagið sem er auðveldast og skemmtilegast fyrir börnin að syngja og höfum við þess vegna notað það milli erindanna í laginu (en í bokinni og á geisladisknum er það bara sungið í upphafi og enda lagsins).

Elstu börnin bjuggu til furðuskordýr

Texti

Komdu með á tónleika
komdu út í skóg
Nú ætla skordýrin að spila saman
KA-LYP-SÓ

Furðuskordýr

Komdu með á tónleika
komdu út í skóg
Nú ætla skordýrin að spila saman
KA-LYP-SÓ  Ó, já!
KA-LYP-SÓ  Ó, já!

Ein risa könguló slær á trommunar
Tvö fiðrildi með harmonikkuna

Þrír kakkalakkar spila á saxófón
Fjórar drekaflugur blása í básúnur

Komdu með á tónleika...

Furðuskordýr

Fimm hressar eldflugur trompet leika á
Sex svartir maurar spila á þverflautu

Sjö maríuhænur sýna gítarleik
Átta engisprettur spila á xýlófón

Komdu með á tónleika...

Níu járnsmiðir berja kóngatrommur á
Tíu þúsundfætlur leika á píanó

Komdu með á tónleika...

Lag: "Creepy Crawly Calypso" eftir Tony Langham Þýð.: Birte Harksen

Lagið i PDF með gítargripum

Smellið hér til að sækja PDF-skjal með laginu.