Bókin Tak og draugurinn eftir Hjalta Bjarnason heillar alltaf börnin jafn mikið og merkilegt að hugsa til þess að höfundurinn var aðeins 9 eða 10 ára þegar hann skrifaði bókina, svo vel er hún heppnuð. Í bókinni reynir strákurinn Tak mismunandi leiðir til að losna við drauginn sem skyndilega birtist hjá honum, og ein þeirra er að hann reynir að syngja "Yfir kaldan eyðisand" fyrir hann.
 |
Við höfum notað vísuna í ýmsu samhengi nú í vetur og höfum meira að segja prófað að syngja hana tvíraddað, eins og heyrist hér á myndskeiðinu fyrir neðan, þar sem deildin okkar kemur fram fyrir hin börnin í leikskólanum. Við æfðum það á þann einfalda hátt að tveir kennarar sungu tvíraddað, og börnin völdu alltaf hvorum kennaranum þau vildu fylgja.
 |
Texti
C G C
Yfir kaldan eyðisand
G
einn um nótt ég sveima.
C G C
Nú er horfið Norðurland
G G7 C
nú á ég hvergi heima.
Höf.: Kristján Jónsson fjallaskáld (1842-1869).