Þetta er gamalt íslenskt þjóðkvæði sem Ingibjörg Ásdís Sveinsdóttir (Imma) aðlagaði að sænsku lagi. Hún heillaðist svo mikið af hinni seiðandi stemmningu í laglínuni og fékk í framhaldi þá hugmynd að nota hana með þjóðkvæðinu um örninn. Börnin heilluðust eins og við, og eins og heyra má í myndskeiðinu voru mörg þeirra til í að syngja einsöng.

Það er Imma sem vinnur með börnunum í listaskála. Sú vinna tengist oftar en ekki þemadýrinu sem við erum með hverju sinni. Hér á síðunni má meðal annars sjá nokkur dæmi um listaverk barnanna sem þau gerðu í tengslum við arnarþemað okkar.

Börnin gerðu arnarhreiður og tvö egg

Í lokastundinni voru börnin máluð eins og ernir í framan

Örninn flýgur fugla hæst

Örninn flýgur fugla hæst
í forsal fjallavinda.
Aðrir fugla verða að
láta sér það lynda
að kvaka, tísta og krunka hátt,
í Kópavoginum fljúga lágt
og á tjörninni synda.

Lag: Tula hem og och tula vall
Texti: íslenskt þjóðkvæði í aðlögun Immu.

Í upphaflegu útgáfunni er textinn svona:

Örninn flýgur fugla hæst
í forsal vinda.
Hinir sér það láta lynda
leika, kvaka, fljúga og synda.

Þeir sem ekki þekkja upphaflega lagið geta m.a. fundið það á plötunni Út um græna grundu (1977), þar sem það er sungið af Berglindi Bjarnadóttur.

Á þessari síðu er einnig hægt að sjá nótur að laglínu við vísuna.

Skallaörn

Fljúgandi örn

Myndskeið með einsöng

Það var gaman að gera upptökur

Tula hem och tula vall

Tula hem och tula vall,
tula långt åt mossen.
Kål fick jag när jag kom hem, 
kål fick jag i påsen.
Mjölken var båd' gul och blå, 
osten såg jag lite å,
smöret smakte jag aldrig.

Texti: Alice Tegnér

Ég er svo ótrúlega heppin að hafa unnið með Immu í meira en tíu ár. Gegnum árin höfum við unnið með meira en 30 mismunandi dýraþemu á deildinni okkar og hvert þema leiðir okkur alltaf á nýjar slóðir.

Við Imma á góðri stund í Stokkhólmi