Það var föst hefð í þessum krakkahópi að standa alltaf upp og knúsast í þessu lagi. Það var svo sætt að fylgjast með því og síðan ég sá það í fyrsta sinn á deildinni hjá þeim hefur mig langað til að setja myndskeið af því hér á vefinn. Lagið þýddi ég fyrir mörgum árum en það er úr bernsku minni í Danmörku.
Það gleður mig alltaf að sjá nýjar hugmyndir um hvernig fólk notar lögin mín. Þetta er dæmi um eitthvað sem mér hafði ekki sjálfri dottið í hug að gera en það er svo fallegt að sjá hvernig þessi litla "viðbót" eflir væntumþykju, hópefli og hlýju í barnahópnum, og jafnvel börn sem velja að standa ekki upp til að knúsast horfa á með mikilli athygli og bros á vör þegar þau sjá knús-gleðina í vinahópnum. Takk til Ingu og Ernu í Skólatröð!
Ég er svo fús
til að gefa þér knús!
Já, knúsumst öll saman,
því það er svo gaman!
Ég er svo fús
til að gefa þér knús.
Já, gefðu mér knús í dag.
Haltu hlýlega um mig
og láttu mér líða vel.
Ég held hlýlega um þig
og sýni þér vinarþel. Ó já!
Danskt lag: "Giv mig en knuser!"
Þýðing: Birte Harksen og Baldur A. Kristinsson
Lagið með gítargripum
Myndskeiðið var tekið upp í Skólatröð (Urðarhóli) haustið 2021.
Sláðu inn leitarorð hér að neðan.
