Umferðarfræðslan hjá okkur hefur verið sérlega lifandi og skemmtileg í haust, ekki síst út af nýja umferðarlaginu okkar og leiknum sem hefur fylgt því. Ég er alveg sérstaklega ánægð með útkomuna í myndskeiðinu sem sjá má neðar á síðunni og vona að þið hafið gagn og gaman af!
Þegar þú ert á ferðinni skaltu
passa þig á umferðinni.
Mundu að vera vakandi
- þegar bílar koma akandi.
Ekki hlaupa yfir götuna,
- alltaf finna gangbrautina.
og síðan STOPPA og gá
til að verða...
umferðarklár! Umferðarklár!
Vinstri - hægri - vinstri
Vinstri - hægri - vinstri
“King of the Road” eftir Roger Miller
Texti: Birte Harksen
Lagið með gítargripum (PDF)
Umferðarskiltin máluð
Gangbraut verður til
Hugmyndina að umferðarlaginu fékk ég frá umferðaröryggisherferð frá Bretlandi þar sem lagið "King of the road" er tengt við broddgelti sem eru að læra umferðarreglurnar.
Í Danmörku hafði ég nýlega séð broddgölt sem hafði orðið fyrir bíl og ég sagði börnunum frá því að broddgeltir reyna að vernda sig með því að hnipra sig í kúlu og setja upp broddana - en að það dugar þeim lítið í umferðinni...
Strákarnir á myndinni voru að koma úr íþróttum og sáu leikinn hjá okkur, en þeir mundu eftir því sem við höfðum talað um og langaði að leika broddgelti í staðinn fyrir gangandi fólk :)
Broddgeltir á gangbrautinni
Lagið er einnig sungið í samnefndri Birte- og Immustund.
Sláðu inn leitarorð hér að neðan.
