![Tröllabörn í kassa](/resized_images/512x320/2024dd72b4ecd1f854688a9d7d1f7bba58def428.jpg?o=kasse2.jpg)
Pysjukast
Agnes kennari er búin að segja okkur skemmtilegar sögur af lundum frá æskuárum sínum á Vestmannaeyjum. Hún fræddi okkur til dæmis um það hvernig pysjum er bjargað á hverju sumri af börnum sem kasta þeim út á sjó. Í framhaldi fékk Agnes hugmyndina að þessum bráðskemmtilega leik og það var svo gaman hjá okkur í dag þegar við gerðum upptökuna hér fyrir neðan, að mér fannst bara allt í lagi að búa til síðu hér á Börn og Tónlist. Ætli við tengjum ekki bara leikinn við lag einhvern tíma í framtíðini ;o)
![](/resized_images/1024x/99b1f704d3b918dced560e18b92c4f939c9189bc.jpg?o=Pysjukast3.jpg)
Það er gaman þegar pysjan lendir í sjónum
Pysjuna fundum við í Góða hirðinum og kostaði hún ekki nema tíkall. Hún var reyndar mörgæs upphaflega en það var ekkert mál breyta henni í lunda með því að gera gult í kringum gogginn og teikna upp lundaaugun með einkennilega strikinu.